ދީނީ ސުވާލު މުބާރާތަކީ ކޮމެޓީން ކޮމްމެ އަހަރަކު ރަމަޟާން މަހުގައި ބާއްވަން ހަމަޖެހިފައިވާ މުބާރާތެކެވެ. 2025 ވަނަ އަހަރު ސުވާލު މުބާރާތް ބާއްވާފައިވަނީ 2025 ވަނަ އަހަރުގެ އަންހެނުންގެ ދުވަހާ ގުޅުވައިގެންނެވެ.
މުބާރާތުގެ ނަން :
މި މުބާރާތުގެ ނަމަކީ “މާވަށު އ.ތ.މ ކޮމެޓީގެ ސުވާލު މުބާރާތް ” އެވެ.
މުބާރާތުގެ މަޤުޞަދު:
މާވަށުގެ ރައްޔިތުންގެ ހިތްތަކުގައި އިސްލާމީ ރޫޙް އާލާކޮށް ދިރުވުމާއި، ދީނީ ކަންކަމަށް ލޯބިޖެއްސުމެވެ.
މުބާރާތުގައި ވާދަކުރާ ކެޓަގަރީތައް:
- މި މުބާރާތް ކުރިޔަށް ގެންދިޔުމަށް ހަމަޖެހިފައިވަނީ އޮންލައިންކޮށް ގޫގަލް ފޯމް މެދުވެރި ކޮށެވެ.
- މާވަށު ކައުންސިލް އެފް.ބީ ޕޭޖު މެދުވެރިކޮށް ކޮންމެ ރެޔެއްގެ 21:00 ގައި ސުވާލު ހިއްސާ ކުރެވޭނެއެވެ.
- ކޮންމެ ރެޔެއްގެ 0:00 ގެ ކުރިން ގޫގަލް ފޯމް މެދުވެރިކޮށް ސުވާލުގެ ޖަވާބު ފޮނުވަންވާނެއެވެ.
- މި މުބާރާތުގައި ހުރިހާ އުމުރުފުރާއެއްގެ މާވާށު އަންހެން ކަނބަލުންނަށް ބައިވެރި ވެވޭނެއެވެ.
- ރަމަޟާން މަސް ނިމުމުން ހުރިހާ ސުވާލެއްގެ ރަނގަޅު ޖަވާބުތައް ކައުންސިލުން އެފް.ބީ ޕޭޖުން އާންމު ކުރެވޭނެއެވެ.
މުބާރާތް އޮންނަ ތާރީޚް:
މުބާރާތުގެ ފުރަތަމަ ސުވާލު ރަމަޟާން މަހުގެ ހަނދު ސާބިތުވުމުން ހިއްސާ ކުރެވޭނެއެވެ.
މުބާރާތުގެ ވަނަ ހޮވުން:
- 1 ވަނައަށް ދާނީ އެންމެ ގިނައިން ޕޮއިންޓު ހޯދާ ފަރާތެކެވެ.
- ރަނގަޅު ޖަވާބު ދެވޭ ކޮންމެ ސުވާލަކަށް 5 ޕޮއިންޓް ލިބޭނެއެވެ.
- ޕޮއިންޓުގެ ގޮތުން އެއްވަރު ވެއްޖެނަމަ ވަނަ ހޮވިގެންދާނީ ގުރުއަތުން ނެވެ.
- މުބާރާތުގެ ވަނަތައް އިއުލާން ކުރެވިގެންދާނީ ފިތުރު އީދު ފިއެސްޓަރ ފެށުމުގެ ރަސްމިއްޔާތުގެ ތެރެއިންނެވެ.