މާވަށު އ.ތ.މ ކޮމެޓީގެ ސުވާލު މުބާރާތް

ސުވާލު މުބާރާތުގެ ގަވާއިދު ޑައުންލޯޑު ކުރަށްވާ

އ.ތ.މ ކޮމެޓީގެ ސުވާލު މުބާރާތް 1447 – ޤަވާއިދު އަދި ކުރިޔަށްދާނެ ގޮތުގެ ތަފްޞީލް

މިމުބާރާތަކީ ” ބައިނަލް އަގުވާމީ އަންހެނުންގެ ދުވަސް” ފާހަގަކުރުމުގެ މުނާސަބާތުގައި މާވަށު އަންހެނުންގެ ތަރައްޤީއަށް މަސައްކަތްކުރާ ކޮމެޓީން ކައުންސިލާ ގުޅިގެން މިއަހަރު ރަމަޟާން މަހު، މާވަށު އަންހެންކަނބަލުންނަށް ހާއްސަކުރެވިގެން ބޭއްވޭ ދީނީ ސުވާލު މުބާރާތެކެވެ.

• މުބާރާތުގެ ނަން :

މި މުބާރާތުގެ ނަމަކީ “މާވަށު އ.ތ.މ ކޮމެޓީގެ ސުވާލު މުބާރާތް 1447 ” އެވެ.

2. މުބާރާތުގެ މަޤުޞަދު:

މާވަށުގެ ރައްޔިތުންގެ ހިތްތަކުގައި އިސްލާމީ ރޫޙް އާލާކޮށް ދިރުވުމާއި، ދީނީ ކަންކަމަށް ލޯބިޖެއްސުމެވެ.

3- މުބާރާތް ކުރިޔަށްދާނެ ގޮތް:

• މި މުބާރާތް ކުރިޔަށް ގެންދިޔުމަށް ހަމަޖެހިފައިވަނީ އޮންލައިންކޮށް، އ.ތ.މ ކޮމެޓީ ވެބްސައިޓު މެދުވެރިކޮށް ސުވާލުތަކުގެ ޖަވާބު ދެވޭ ގޮތަށެވެ. ސުވާލުގެ ލިންކަކީ: maavahcouncil.gov.mv/quiz-1447 އެވެ. ލިންކް އެކްޓިވޭޓުވާނީ ސުވާލަށް ކަނޑައެޅިފައިވާ ވަގުތުގައެވެ.
• މާވަށު ކައުންސިލް އެފް.ބީ ޕޭޖު މެދުވެރިކޮށްވެސް ކޮންމެ ރެޔެއްގެ 21:00 ގައި އެދުވަހެއްގެ ސުވާލު ލިންކް ހިއްސާ ކުރެވޭނެއެވެ. ޖަވާބު ދިނުން ކުރިޔަށްދާއިރު ސުވާލުގެ ބާކީއޮތް ވަގުތު ފެންނަން އިންނާނެއެވެ.
• ސުވާލަށް ޖަވާބު ދެވޭނީ ޖެހިގެން އަންނަ ދުވަހު 12:00 ގެ ކުރިންނެވެ.
• މި މުބާރާތުގައި ހުރިހާ އުމުރުފުރާއެއްގެ މާވާށު އަންހެން ކަނބަލުންނަށް ބައިވެރި ވެވޭނެއެވެ.
• ރަމަޟާން މަސް ނިމުމުން ހުރިހާ ސުވާލެއްގެ ރަނގަޅު ޖަވާބުތައް ކޮމެޓީގެ ވެބްސައިޓުންނާއި ކައުންސިލުގެ އެފް.ބީ ޕޭޖުން އާންމު ކުރެވޭނެއެވެ. މުބާރާތުގެ ފަހުގެ އަޕްޑޭޓްތައް “މުބާރާތުގެ އަދާހަމަ” ސަފުހާގައިވާނެއެވެ

4- މުބާރާތް އޮންނަ ތާރީޚް:

މުބާރާތުގެ ފުރަތަމަ ސުވާލު ރަމަޟާން މަހުގެ ހަނދު ސާބިތުވުމުން ހިއްސާ ކުރެވޭނެއެވެ.

5- މުބާރާތުގެ ވަނަތައް:

1 ވަނަ އިނާމް – 2500 ރ

2 ވަނަ އިނާމް – 1500 ރ

3 ވަނަ އިނާމް – 1000 ރ

6- މުބާރާތުގެ ވަނަ ހޮވުން:

• 1 ވަނައަށް ދާނީ އެންމެ ގިނައިން ޕޮއިންޓު ހޯދާ ފަރާތެކެވެ.
• ރަނގަޅު ޖަވާބު ދެވޭ ކޮންމެ ސުވާލަކަށް 5 ޕޮއިންޓް ލިބޭނެއެވެ.
• ޕޮއިންޓުގެ ގޮތުން އެއްވަރު ވެއްޖެނަމަ ވަނަ ހޮވިގެންދާނީ ގުރުއަތުން ނެވެ.
• މުބާރާތުގެ ވަނަތައް އިއުލާން ކުރެވިގެންދާނީ ފިތުރުއީދު ފިއެސްޓަރ ފެށުމުގެ ރަސްމިއްޔާތުގެ ތެރެއިންނެވެ.