މާވަށު އަންހެނުންގެ ތަރައްޤީއަށް މަސައްކަތްކުރާ ކޮމެޓީން ކޮންމެ އަހަރަކު ރަށުގެ މުއައްސަސާތަކަށް ޚާއްޞަކޮށްގެން ފާހަގަކުރަމުންދާ އަހަރީ ދުވަހުގެ ޕްރޮގްރާމުގެ ދަށުން، މާވަށު ޞިއްޙީ މަރުކަޒުގެ އިސް ވެރިންނާއި ކައުންސިލާއެކު ޚާއްޞަ ބައްދަލުވުމެއް ބޭއްވިފައިވެއެވެ. މި އަހަރަކީ މާވަށު ޞިއްޙީ މަރުކަޒުގެ 50 ވަނަ އަހަރީ ދުވަސް ނުވަތަ ރިހި ޔޫބީލް ފާހަގަކުރެވޭ އަހަރުކަން ޚާއްޞަ ގޮތެއްގައި ފާހަގަކުރެވެއެވެ.
މި ބައްދަލުވުމުގައި ކޮމެޓީއާއި ކައުންސިލުން މަރުކަޒުގެ އިސްފަރާތްތަކާއެކު މަޝްވަރާކޮށްފައިވަނީ މާވަށު ޞިއްޙީ މަރުކަޒުން މި ފާހަގަކޮށްލެވޭ ދުވަހަށް ތައްޔާރުވުމުގެ ގޮތުން ރާވާފައިވާ ހަރަކާތްތަކާ ގުޅޭގޮތުންނެވެ. މި ގޮތުން، މަރުކަޒުން ނިންމާފައިވާ ބައެއް ހަރަކާތްތަކުގެ ތެރޭގައި ކުޑަކުދިންގެ ހަވީރެއް ބޭއްވުން ހިމެނެއެވެ. މީގެ އިތުރުން، ކައުންސިލާއި ކޮމެޓީ އަދި ޞިއްޙީ މަރުކަޒު ގުޅިގެން ސްކޫލު ދަރިވަރުންނަށް ޚާއްޞަކޮށްގެން ހޭލުންތެރިކަން އިތުރުކުރުމުގެ ޕްރޮގްރާމެއް ބޭއްވުމާ މެދުވެސް މަޝްވަރާކުރެވުނެވެ. މި ހުރިހާ މަސައްކަތްތަކަކީވެސް މަރުކަޒުގެ 50 ވަނަ އަހަރީ ދުވަސް ފާހަގަކުރުމުގެ މުހިންމު ބައިތަކެއްގެ ގޮތުގައި ފާހަގަކުރެވެއެވެ.
Leave a reply
އެންމެ ގިނަ ހިޔާލު